- Advertisement -

Hazrat Sayyed Aale Mustafa Marehrwi rahmatullahi alaihi

Alqaab: Sayyed-ul-Ulama, Imam-ul-Munaazireen.
Hazrat Sayyed Aale Mustafa Marehrwi rahmatullahi alaihi ki wiladat 25 Rajab 1333 Hijri (9 June 1915 A.D.) ko Budh ke roz Marehra Shareef me hui.
Hazrat Sayyed Aale Mustafa Marehrwi rahmatullahi alaihi ke waalid ka naam Hazrat Sayyed Shaah Aale Ibaa Basheer Haidar bin Sayyed Husain Haidar Barkaati rahmatullahi alaihi aur waalida ka naam Sayyeda Ikraam Faatima Shahar Banu binte Sayyed Shaah Abul Qaasim Ismaeel Hasan Barkaati hai.
Hazrat Sayyed Aale Mustafa Marehrwi rahmatullahi alaihi Husaini saadaat hain.
4 saal, 4 mahine aur 4 din ki umr me Aap Bismillah khwaani ki gayi.
Huzoor Ghaus e azam Abdul Qadir Jilani ke daste mubarak se likhi hui ‘Bismillah’ se shuruat ki gayi.
Aap ne apni waalida Sayyeda Ikraam Faatima Shahar Banu, Hafiz Aashiq Ali Barkaati aur Hafiz Saleem-ud-deen saahab se ta’aleem haasil ki aur 8 saal ki umr me Hafiz e Qur’an hue.
Apni waalida se Faarsi ki ta’aleem haasil ki aur apne maamu Hazrat Tajul Ulama Mufti Sayyed Shah Aulaade Rasool Mohammad Miyan rahmatullahi alaihi se Faarsi ki kitaabo ki majeed ta’aleem haasil ki.
Phir Aap ne Ajmer me Hazrat Sadrushshariah Mufti Amjad Ali Aazmi rahmatullahi alaihi se ta’aleem haasil ki.
Hazrat Sayyed Aale Mustafa Marehrwi rahmatullahi alaihi ne Bahra Tayyiba College Aligarh Muslim University se 1375 Hijri (1956 A.D.) me Diploma in Indian Medicine & Surgery (D.I.M.S.) ki degree bhi haasil ki.
Hazrat Sayyed Aale Mustafa Marehrwi rahmatullahi alaihi ek azeem Aalim, Mufti, Mufassir, Muhaddees, Mufakkir, Muhaqqiq, Khateeb, Munaazir, Shaayar, Tabeeb, Siyaasat-daan, Sufi aur Aarif the.
Aap Mumbai Bakr Qassaab Jama’at ke Qazi aur Imam the.
Aap Khaanqaah-e-Marehra ke Sajjaada nasheen aur Mutawalli bhi rahe.
Aap ‘All India Sunni Jamiatul Ulama’ ke baani me se hain aur Aap uske Sadr bhi rahe.




Tasannif:
Hazrat Sayyed Aale Mustafa Marehrwi rahmatullahi alaihi ki likhi hui mash’hoor kitaabein:

  1. Khuba e Sadaarat
  2. Sirat e Khwaja Ghareeb nawaz
  3. Muqaddas Khaatoon
  4. Nayi Roshni
  5. Faiz e Tambeeh.

Aap ka nikah Qaisar Jahaan Begum binte Sayyed Aale Habeeb se hua.
Aap (apne nana) Hazrat Sayyed Shah Ismaeel Hasan urfe Shaah Ji Miyan Barkaati rahmatullahi alaihi ke mureed aur khalifa hain.
(Aap ke maamu) Hazrat Tajul-Ulama Mufti Sayyed Shah Aulad e Rasool Mohammad Miyan rahmatullahi alaihi ne bhi (1362 Hijri me) Aap ko khilafat ata farmayi hai.
Hazrat Sayyed Aale Mustafa Marehrwi rahmatullahi alaihi ke khulfa:

  1. Sayyed Aale Rasool Hasnain miyan urfe Nazmi miyan Barkaati Marehrawi rahmatullahi alaihi (apke sahabzadein)
  2. Hazrat Sayyed Muhammad Ashraf Barkaati Marehrawi rahmatullahi alaihi
  3. Hazrat Maulana Sakhaawat Ali rahmatullahi alaihi (Maghar).

Hazrat Sayyed Aale Mustafa Marehrwi rahmatullahi alaihi wisaal 11 Jamaadi us saani 1394 Hijri (1 July 1974 A.D.) ko Shabe Peer ko 60 saal ki umr me hua.
Hazrat Sayyed Aale Mustafa Marehrwi rahmatullahi alaihi ka mazaar Marehra Shareef (Uttar Pradesh) me hai.
ALLAH ta’ala uske Habeeb Sallallahu alaihi wa sallam ke sadqe me
Aur Hazrat Sayyed-ul-Ulama Sayyed Aale Mustafa Marehrwi rahmatullahi alaihi aur tamaam Auliya Allah aur Ahle bait ke waseele se
Sab ko mukammal ishq e Rasool ata farmaye aur Sab ke Imaan ki hifazat farmaye aur Sab ko nek amal karne ki taufiq ata farmaye.
Aur Sab ko dunya wa aakhirat me kaamyaabi ata farmaye aur Sab ki nek Jaayiz muraado ko puri farmaye.
Aameen.

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy