- Advertisement -

Hazrat Sayyed Faiz-ul-Hasan Shaah rahmatullāhi alaihi

Hazrat Sayyed Faiz-ul-Hasan Shaah rahmatullāhi alaihi :

Laqab:
Khateeb ul Islaam.

Aap ki wilaadat 1329 Hijri (1911 A.D.) me Allo Mahar (Sialkot) hui.

Aap ke waalid ka naam Hazrat Peer Sayyed Muhammad Husain Shaah bin Peer Sayyed Ameen Shaah rahmatullāhi alaihi hai.

Aap Husaini saadaat hain.

Aap ke pardaada Hazrat Peer Sayyed Muhammad Jewan Shaah Naqawi urfe Sher Sawaar Sarkaar rahmatullāhi alaihi isha’ate Islaam ke liye Hind mein tashreef laaye the aur Allo Mahar mein sukoonat pazeer hue.

Aap ke pardaada Hazrat Peer Sayyed Ameer Shaah, Peer Sayyed Muhammad Channan Shaah Noori aur Peer Sayyed Ameen Shaah rahmatullāhi alaihi Allo Mahar ke ‘Naqshbandi Mujadadi’ silsila ke mash’hoor buzurg aur masha’ikh hain.

Aap ke waalid Angrezi hukoomat ke dauraan Sialkot ke Magistrate the.

Aap Hadeeṡ, Falsafa, Khitaabat, aur Tasawwuf ke maahir the.

1348 Hijri (1930 A.D.) mein Aap Majlis-e-Ahraar-ul-Islaam mein saamil hue.

Aap Qaadiyani ke khilaaf Tehreeq-e-Khatm-e-Nabuwwat mein saamil hue.

1351 Hijri (1933 A.D.) mein Aap ke waalid ke wisaal ke baad Aap Sajjaada nasheen bane.

Aap ke 5 saahabzaade aur 3 saahabzaadiya hain.

Saahabzaade :
(1) Peer Sayyed Khaalid Hasan Shaah
(2) Sayyed Iftikhaar-ul-Hasan Shaah urfe Zahre Shaah
(3) Sayyed Barkat-ul-Hasan Shaah
(4) Sayyed Sajjaad-ul-Hasan Shaah
(5) Sayyed Zahid Ali Shaah.

Aap Hazrat Peer Sayyed Muhammad Husain Shaah rahmatullāhi alaihi ke mureed aur khalifa hain.
Aap ‘Naqshbandi Mujadadi Ameeni’ silsila ke shaikh hain.

Aap ke khalifa Hazrat Peer Sayyed Khaalid Hasan Shaah rahmatullāhi alaihi hain.

Aap ka wisaal 20 Jamaadi ul awwal 1404 Hijri (22 February 1984 A.D.) ko hua.

Aap ka mazaar Allo Mahar (Pakistan) mein hai.

ALLĀH ta’ala us ke Habeeb sallallāhu alaihi wa sallam ke sadqe mein Aur Hazrat Sayyed Faiz-ul-Hasan Shaah rahmatullāhi alaihi aur tamaam Auliya Allāh aur Ahle ke waseele se
Sab ko mukammal ishq e Rasool ata farmaye aur Sab ke Imaan ki hifaazat farmaye aur Sab ko nek amal karne ki taufiq ata farmaye.
Aur Sab ko dunya wa aakhirat me kaamyaabi ata farmaye aur Sab ki nek jaa’iz muraado ko puri farmaye
Aameen.

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy