- Advertisement -

Hazrat Shaikh Shahaab-ud-deen Umar Suharwardi rahmatullahi alaihi

Alqaab: Shaikh-ul-Islaam, Shaikh-ul-Shuyukh.
Aapki wilaadat Shabaan 539 Hijri (1145 A.D.) me Suharward (Iran) me hui.
Aapke waalid ka naam Mohammad bin Abdullah al-Bakari hai.
Hazrat Shaikh Shahaab-ud-deen Umar Suharwardi rahmatullahi alaihi Hazrat Abu Bakr Siddiq radiy-Allahu ta’ala nahu ki nasl se hain.
Aap Hazrat Shaikh Abul Najib Abdul Qaahir Suharwardi rahmatullahi alaihi ke bhatije hain.
Hazrat Shaikh Shahaab-ud-deen Umar Suharwardi rahmatullahi alaihi ke waalidain ko koi aulaad nahi thi. Ek baar Aapki waalida Hazrat Ghaus e azam Abdul Qadir Jilani radiallahu anhu ki baargaah me hazir hui, To unko aulaad ke liye dua karne ke liye arz kiya.
Hazrat Ghaus e azam radiallahu anhu ne dua ki aur farmaaya “Tumhare yaha ALLAH ta’ala ka khaas aur muqarrab banda aane waala hai.”
Aapne Suharward me bunyaadi ta’aleem haasil ki. Phir majeed ta’aleem ke liye Baghdad gaye.
Hazrat Shaikh Shahaab-ud-deen Umar Suharwardi rahmatullahi alaihi ne Hazrat Ghaus e azam Shaikh Sayyed Abdul Qadir Jilani radiallahu anhu se ta’aleem haasil ki.
560 Hijri (1162 A.D.) me Hazrat Ghaus e azam radiallahu anhu ne Aapko khilafat ata farmayi.
Inke ilaawa aapne Hazrat Shaikh Abul Najib Abdul Qaahir Suharwardi rahmatullahi alaihi, Hazrat Shaikh Najm-ud-deen Ahmad al-Kubra rahmatullahi alaihi aur deegar mashaa’ikh se bhi ta’aleem aur faiz haasil kiya.
Kuch waqt Abbadan jazeere me Abdaalo ki sohbat me rehkar aapne faiz haasil kiya.
Aap Qur’an, Hadeeṡ, Fiq’h, Ilm e Istdalaal, Kalaam ke maahir the.
Hazrat Shaikh Shahaab-ud-deen Umar Suharwardi rahmatullahi alaihi Shafi’i aur Hanbali mazhab ke maahir the.
Aapne kai martaba Hajj e Baitullah ada kiye.
628 Hijri (1231 A.D.) me aapne apne sahabzaade Shaikh Imaad-ud-deen Mohammad ke saath aakhri Hajj ada kiya.
563 Hijri (1165 A.D.) me Hazrat Abul Najib Abdul Qaahir Suharwardi ke wisaal ke baad aapne Khaanqaah ki zimmedaari samhali.
Hazrat Shaikh Shahaab-ud-deen Umar Suharwardi rahmatullahi alaihi talba ke liye 3 naye Ribat (Hostel) banaaye:
(1) Ribat-e-Nasri,
(2) Ribat-e-Bistami,
(3) Ribat-e-Mamoonia.
Khalifa al-Nasir ne Aapko ‘Shaikh-ul-Shuyukh’ ka khitaab ata kiya.
Hazrat Shaikh Shahaab-ud-deen Umar Suharwardi rahmatullahi alaihi ki shohrat dunya ke tamaam ilaaqe me phaili hui thi.
Alag alag ilaaqo me se bahot badi ta’adaad me log aapse mulaaqat ke liye aate the aur utni hi ta’adaad me log aapko khat likhte the.
Aap hamesha saadgi ke saath zindagi guzaarte the.
Roz hazaaro log aapko nazraana ata farmaate the, magar aap wo tamaam maal ghareebo aur mohtaajo me taqsim kar dete.
Hazrat Shaikh Shahaab-ud-deen Umar Suharwardi rahmatullahi alaihi ki likhi hui kitaabo me ‘Awaarif-ul-Ma’arif’ mash’hoor hai.



Aqwaal:
‾‾‾‾‾‾‾‾‾‾
Hazrat Shaikh Shahaab-ud-deen Umar Suharwardi rahmatullahi alaihi irshad farmaate hai:
(1) Ilm ki 3 qismen hain :
a) Ilm-e-Tauhid – ALLAH subhan wa ta’ala ki wahaadaniyat ka ilm,
b) Ilm-e-Ma’arifat – ALLAH subhan wa ta’ala ki sifaat wa qudrat ka ilm,
c) Ilm-e-Shariat – ALLAH subhan wa ta’ala ke akhaam wa arkaan ka ilm.
Aur in teeno raaste par safar karne waale aur un ke maqaam alag alag hote hain.
(2) Dunya me 2 cheezen hi amal ke liye behtar hain :
a) Faqeero ki sohbat rehna aur
b) Auliya Allah ki ta’azeem karna.
Hazrat Shaikh Shahaab-ud-deen Umar Suharwardi rahmatullahi alaihi ke 3 saahbzaade hain :
(1) Shaikh Zain-ud-deen.
(2) Shaikh Imaad-ud-deen Mohammad [Wisaal 655 Hijri (1257 A.D.)].
(3) Shaikh Jamaal-ud-deen.
Aap Hazrat Shaikh Zia-ud-deen Abul Najeeb Abdul Qaahir Suharwardi rahmatullahi alaihi ke mureed aur khalifa hain.
Hazrat Gaus e azam Shaikh Sayyed Mohiy-ud-deen Abdul Qadir Jilani radiy-Allahu ta’ala anhu se bhi Aapko khilafat ata farmai hai.
Hazrat Shaikh Shahaab-ud-deen Umar Suharwardi rahmatullahi alaihi ke khulfa:
(1) Hazrat Shaikh Imaad-ud-deen Mohammad rahmatullahi alaihi
(2) Hazrat Khwaja Baha-ud-deen Zakariya Multani rahmatullahi alaihi
(3) Hazrat Khwaja Qaazi Hameed-ud-deen Muhammad Farooqi Nagori rahmatullahi alaihi
(4) Hazrat Meer Sayyed Noor-ud-deen Mubarak Ghaznawi rahmatullahi alaihi
(5) Hazrat Shaikh Jalaal-ud-deen Muhammad Tabrizi rahmatullahi alaihi
(6) Hazrat Sayyed Meer Nizaam-ud-deen rahmatullahi alaihi (Baghdad)
(7) Hazrat Shaikh Nooh Bhakari Sindhi rahmatullahi alaihi
(8) Hazrat Shaikh Sayyed Ahmad urfe Sultaan Sakhi Sarwar rahmatullahi alaihi
(9) Hazrat Shaikh Zia-ud-deen Rumi rahmatullahi alaihi (Delhi)
(10) Hazrat Shaikh Majd-ud-deen Muhammad Haaji Jajermi rahmatullahi alaihi
(11) Hazrat Shams-ul-Aarifeen Shaah Turkaman Biyabaani Dehlawi rahmatullahi alaihi
(12) Hazrat Shaikh Sayyed Qaazi Shahaab-ud-deen bin Muhammad al-Husaini rahmatullahi alaihi
(13) Hazrat Shaikh Sayyed Moiz-ud-deen Abdaal Sandailwi rahmatullahi alaihi
(14) Hazrat Shaikh Meer Sayyed Ala-ud-deen Jawarri rahmatullahi alaihi
(15) Hazrat Shaikh Sharf-ud-deen Iraqi rahmatullahi alaihi
(16) Hazrat Shaikh Muhammad Ibraheem Ansaari rahmatullahi alaihi
(17) Hazrat Shaikh Ahmad bin Zain Multani rahmatullahi alaihi
(18) Hazrat Shaikh Sulaiman bin Abdullāh al-Abbaasi al-Hashmi rahmatullahi alaihi
(19) Hazrat Shaikh Muslih-ud-deen Sa’adi Shirazi rahmatullahi alaihi
(20) Hazrat Shaikh Najeeb-ud-deen Ali bin Buzghash Shirazi rahmatullahi alaihi
(21) Hazrat Shaikh Shams-ud-deen Safi Shirazi rahmatullahi alaihi
(22) Hazrat Shaikh Sayyed Muhammad Shujah Mash’hadi rahmatullahi alaihi
(23) Hazrat Shaikh Shaah Sharf-ud-deen Mahmood bin Husain Tastari rahmatullāhi alaihi (Shoukara / Iran)
(24) Hazrat Shaikh Muhammad Yemeni rahmatullahi alaihi
(25) Hazrat Shaikh Ahmad rahmatullahi alaihi (Damascus / Syria)
(26) Hazrat Shaikh Najm-ud-deen al-Taflisi rahmatullahi alaihi (Baghdad / Iraq)
(27) Hazrat Shaikh Sayyed Muhammad Baghdadi rahmatullahi alaihi
(28) Hazrat Shaikh Rasheed-ud-deen Muhammad bin Abul Qaasim al-Maqri al-Baghdadi rahmatullahi alaihi
(29) Hazrat Shaikh Ahmad al-Faarooqi al-Kabuli rahmatullahi alaihi
(30) Hazrat Shaikh Izz-ud-deen Abul Abbaas Ahmad al-Faarooqi rahmatullahi alaihi
(31) Hazrat Shaikh Auhad-ud-deen Haamid bin Abul Fakhr Kirmani rahmatullahi alaihi
(33) Hazrat Shaikh Abdul Azeez urfe Urjun Shaah Suharwardi rahmatullahi alaihi
(34) Hazrat Makhdoom Kamaal-ud-deen Yahyā Maneri rahmatullahi alaihi
(35) Hazrat Shaikh Shaah Ni’amatullāh Wali Faarsi rahmatullahi alaihi.
Hazrat Shaikh Shahaab-ud-deen Umar Suharwardi rahmatullahi alaihi ka wisaal 1 Moharram 632 Hijri (1234 A.D.) me hua.
Aapki namaz e janaza Hazrat Auhd-ud-deen Haamid Kirmani rahmatullahi alaihi ne padhai.
Hazrat Shaikh Shahaab-ud-deen Umar Suharwardi rahmatullahi alaihi ka mazaar Baghdad (Iraq) me hai.
ALLAH ta’ala uske Habeeb sallallahu alaihi wa sallam ke sadqe me Aur Hazrat Shaikh Shahaab-ud-deen Umar Suharwardi rahmatullahi alaihi aur tamaam Auliya Allah ke waseele se Sabko mukammal ishq e Rasool ata farmaye aur Sabke imaan ki hifazat farmaye aur Sabko nek amal karne ki taufiq ata farmaye Aur Sabko dunya wa aakhirat me kaamyabi ata farmaye aur Sabki nek jaayez murado ko puri farmaye.
Aameen.

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy