- Advertisement -

Hazrat Allama Mufti Hasnain Raza Khan rahmatullahi alaihi

Laqab: Hakeem-ul-Islaam.
Hazrat Allama Mufti Hasnain Raza Khan rahmatullahi alaihi ki wiladat 1310 Hijri (1893 A.D.) me Bareilly Shareef (Uttar Pradesh) me hui.
Aap ke waalid ka naam Hazrat Hasan Raza Khan bin Hazrat Naqi Ali Khan rahmatullahi alaihi hai.
Hazrat Allama Mufti Hasnain Raza Khan rahmatullahi alaihi Aala Hazrat Imam Ahmad Raza Khan rahmatullahi alaihi ke bhatije hain.
Bunyaadi ta’aleem ke baad Hazrat Allama Mufti Hasnain Raza Khan rahmatullahi alaihi ke waalid ne aap ko Daar ul uloom Manzar e Islam me daakhil kiya.
Aap ne Aala Hazrat Imam Ahmad Raza Khan, Maulana Raham Ilahi Mangloori, Maulana Mufti Irshaad Husain Mujadidi Faarooqi, Maulana Zahoor ul Hasan Faarooqui Rampuri, Maulana Noor ul Husain Mujadidi Farooqui, Maulana Abdul Azeez aur Maulana Hidayatullah Khan Joenpuri se taalim haasil ki.
1328 Hijri (1910 A.D.) me Hazrat Allama Mufti Hasnain Raza Khan rahmatullahi alaihi Daar-ul-uloom Manzar-e-Islam me Mudarris bane.
Hazrat Allama Mufti Hasnain Raza Khan rahmatullahi alaihi ke mash’hoor shaagird:

  1. Hazrat Sher Besha e Ahle Sunnat Maulana Mufti Hashmat Ali Khan Pilibhiti
  2. Hazrat Maulana Mufti Aijaaz Wali Khan Razawi (Lahore)
  3. Hazrat Maulana Mufti Taqaddus Ali Khan Bareilwi
  4. Hazrat Maulana Ghulaam Jeelaani Aazmi
  5. Hazrat Mohsin e Millat Maulana Haamid Ali Faarooqi Raipuri
  6. Hazrat Maulana Mufti Abraar Hasan Haamidi
  7. Hazrat Maulana Idrees Raza Khan.

Aap Hazrat Allama Shah Sayyed Abul Husain Ahmad Noori Barkati Qadri rahmatullahi alaihi ke mureed aur khalifa hain.
Aala Hazrat Imam Ahmad Raza Khan rahmatullahi alaihi ne bhi Aap ko khilaafat ata farmayi hai.
Pariwaar:
Aap ka nikah Aala Hazrat Imam Ahmad Raza Khan rahmatullahi alaihi ki saahabzaadi ke saath hua.
Unse Aap ki 1 saahabzaadi hain.
Unke inteqal ke baad Aap ka dusra nikah Aala Hazrat ki dusri saahabzaadi ke saath hua.
Unse Hazrat Allama Mufti Hasnain Raza Khan rahmatullahi alaihi ke 3 saahabzaade aur 1 saahabzaadi hain.

  1. Hazrat Ameen-e-Shariat Shabi e Mufti e azam Allama Sibtain Raza Khan.
  2. Hazrat Sadr-ul-Ulama Mazhar e Mufti e azam Maulana Mufti Tahseen Raza Khan.
  3. Hazrat Yaadgaar-e-Salf Alamma Maulana Habeeb Raza Khan.

Aap ki saahabzaadi ka nikah Huzoor Tajushshariah Akhtar Raza Khan Azhari Miyan ke saath hua hai.




Aqwaal:

  1. Har museebat Dars e Ibrat hai. Museebat par rona dohari museebat hai. Sabr aur Chaarakaar ki talaash behtar hai.
  2. Khuda ka dost sab ka Dost hai aur us ka nafarmaan kisi ka dost nahi.
  3. Haraam ka maal rehta nahi behta hai.

Hazrat Allama Mufti Hasnain Raza Khan rahmatullahi alaihi ne bahot saari Na’at e Mustafa aur Manqabat likhi hai.
Hazrat Allama Mufti Hasnain Raza Khan rahmatullahi alaihi ki likhi hui Naat shareef me ye mash’hor hai:
Teri naal-e-muqaddas jiske sar par saaya gustar hai,
Wohi farma rawa-e-haft kishwar hai sikandar hai.
Aap ne Aala Hazrat Imam Ahmad Raza Khan rahmatullahi alaihi kim shaan me ek mash’hoor Manqabat likhi hai:
‘Madad ka waqt hai aye Hazrate Ahmad Raza utho,
Ghareebo ko sahaara do mareezo ki dawa utho.’
Aala Hazrat aap se bahot mohabbat karte the aur unho ne apni wasiyat likhne ke liye Aap ko pasand kiya tha.
Aap ne Bareilly Shareef me Hasani Press ke naam se ek chhaapkhaana shuru kiya aur Aala Hazrat kitaabein shaaye karna shuru kiya.
Aur dusre kitaabein aur risaale bhi shaaye karna shuru kiya.
Aap ye sab kitaabein muft me taqsim bhi karte the.
Iske liye waqt kam padne laga tab Aap ne Daar ul uloom me mudarris ka kaam chhod diya.
Hazrat Allama Mufti Hasnain Raza Khan rahmatullahi alaihi ka wisaal 5 Safar 1401 Hijri (14 December 1980 A.D.) ko hua.
Hazrat Allama Mufti Hasnain Raza Khan rahmatullahi alaihi ka mazaar Bareilly Shareef (Uttar Pradesh) me hai.
ALLAH ta’ala uske Habeeb Sallallahu alaihi wassallam ke sadqe me
Aur Hazrat Allama Mufti Hasnain Raza Khan rahmatullahi alaihi aur tamaam Auliya Allah ke waseele se
Sab ko mukammal ishq e Rasool ata farmaye aur Sab ke imaan ki hifazat farmaye aur Sab ko nek amal karne ki taufiq ata farmaye.
Aur Sab ko dunya wa aakhirat me kaamyaabi ata farmaye aur Sab ki nek Jaayiz muraado ko puri farmaye.
Aameen.

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy