- Advertisement -

Hazrat Shaikh Sayyed Saif-ud-deen Abdul Wahaab Qaadri al-Jilani rahmatullahi alaihi

Aap ki wilaadat Sha’abaan 523 Hijri (1129 A.D.) me Baghdad (Iraq) me hui.
Hazrat Shaikh Sayyed Saif-ud-deen Abdul Wahaab Qaadri al-Jilani rahmatullahi alaihi ke waalid ka naam Hazrat Ghauṡ-ul-aazam Shaikh Sayyed Muhiy-ud-deen Abdul Qaadir Jilani bin Hazrat Sayyed Abu Saaleh Moosā Jangi-dost radiy-Allāhu ta’ala anhu aur waalida ka naam Bibi Madeena binte Meer Muhammad Masjidi hai.
Aap Ghauṡ-ul-aazam ke sab se bade saahabzaade aur Sajjaada nasheen hain.
Hazrat Shaikh Sayyed Saif-ud-deen Abdul Wahaab Qaadri al-Jilani rahmatullahi alaihi Hasani saadaat hain.
Aap ne apne waalid aur dusre ulama se Qur’ān, Hadeeṡ aur Fiq’h ki ta’aleem haasil ki.
Is ke baad aap ne Ajam ke kai mulko ke shahero me jaakar majeed ta’aleem haasil ki.
543 Hijri me Ghauṡ-ul-aazam ne Aap ko apne Madrasa ki zimmedaari ata ki.
Apne waalid Ghauṡ e aazam ke wisaal ke baad Aap ta’aleem aur tadrees karte the aur Fatawa diya karte the.
Hazrat Shaikh Sayyed Saif-ud-deen Abdul Wahaab Qaadri al-Jilani rahmatullahi alaihi bahot nek aur parhezgaar the aur zyada waqt ibaadat aur riyaazat me guzaarte the.
Aap ghareebo, haajatmando aur beemaaro ki khidmat kiya karte the.
Log Hazrat Shaikh Sayyed Saif-ud-deen Abdul Wahaab Qaadri al-Jilani rahmatullahi alaihi ki bahot ta’azeem karte the.
Tasannif :
Aap ki likhi hui mash’hoor kitaaben:
(1) Jawaahir-ul-Asraar,
(2) Lataa’if-ul-Anwaar.
Aap ke 3 saahabzaade hain:
(1) Sayyed Safi-ud-deen Abu Mansoor Abdus Salaam,
(2) Sayyed Abul Fateh Sulaimān,
(3) Sayyed Abdur Raheem.
Aap ka wisaal 25 Shawwaal 593 Hijri (1197 A.D.) ko hua.
Aap ka mazaar Mohallah Halbah Qabrastan, Baghdad (Iraq) mein hai.

- Advertisement -

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy