- Advertisement -

Hazrat Khwaja Noor Muhammad Jhinjhanawi urfe Miyan Jiyu rahmatullahi alaihi

Alqaab : Qutb-e-Aalam, Shaikh-ul-Masha’ikh.
Hazrat Khwaja Noor Muhammad Jhinjhanawi rahmatullahi alaihi ki wilaadat 1201 Hijri (1787 A.D.) me Jhinjhana, Zila Shamli me hui.
Aap ke waalid ka naam Hazrat Shaikh Jamaal hai.
Hazrat Khwaja Noor Muhammad Jhinjhanawi rahmatullahi alaihi ne apne ilaqe me ibtidaai ta’aleem haasil ki aur Arabi aur Faarsi ki ta’aleem haasil ki.
Aur Haafiz e Qur’ān hue.
Phir Hazrat Shaah Abdur Raheem Shaheed Wilaayati rahmatullāhi alaihi ke mureed hue aur Hazrat ki khidmat mein rehkar sulook ki ta’aleem haasil ki aur Hazrat se Silsila e Chishtiya Saabriya ki ijaazat o khilaafat haasil ki.
Aap bachcho ko Qur’ān majeed aur Faarsi ki ta’aleem dete the.
Aap Jaame Shariat wa Tareeqat aur Saahibe Tasarruf the.
Akṡar waqt ibaadat o riyazat me guzaarte. Aane waale sab ko faiz ata farmaate.
Aap Hazrat Shaah Abdur Raheem Shaheed Wilaayati rahmatullāhi alaihi ke mureed aur khalifa hain.
Aap ke khulfa :
(1) Hazrat Khwaja Haaji Imdaadullāh Muhaajir Makki rahmatullāhi alaihi,
(2) Hazrat Khwaja Sayyed Barkat Ali Shaah Saabri rahmatullāhi alaihi,
(3) Hazrat Haafiz Mohammad Zamin Shaheed rahmatullāhi alaihi.
Hazrat Khwaja Noor Muhammad Jhinjhanawi rahmatullahi alaihi ka wisaal 4 Shawwaal 1259 Hijri (29 Septembar 1843 A.D.) ko Jum’aa ke roz hua.
Hazrat Khwaja Noor Muhammad Jhinjhanawi rahmatullahi alaihi ka mazaar Jhinjhana (Uttar Pradesh) me hai.

- Advertisement -

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy