- Advertisement -

Jaise Sunni Alim E Deen Ki Purani Kitaab O Me Ahle Bait Ke Aage Alahi Salam Likha Hota Hai.

Aisa Likhna Durust Hoga?
ANSWER
Hamare Is Daur Me Ye Baat Aam Hoti Jaa Rahi Hai Ke Sayyedna Ali E Murtaza, Hasnain Kareemain, Sayyeda Fatima Wa Deegar Aal E Rasool ﷺ Ke Afrad E Kareema Ke Ilaawa Saabiqa Ambiya Alaihimussalam Ki Baaz Ahl Par Lafz “Alaihissalam” Ka Istemaal Karte Hain.
Awaam Ke Ilaawa Khwaas Ki Bhi Aadat Ban Gayi Hai Ke Shia Firqe Ke Dekha Dekhi Ye Marz Barh Raha Hai.
Akaabir Saaleheen Ulama O Mashaikh E Muhaqqiqeen Ka Yahi Mauqif E Mukhtar Hai Ke Gair E Ambia O Malaaika Ke Liye Alaihissalam Na Istemal Kiya Jaaye.
Behtar Yahi Hai Ke Aisa Itlaaq Naho Balke Aadat Khatam Kardi Jaaye Taake Mazhab E Shia Se Tashaaboh Aur Uski Tarweej Naho.
Islami Qaayeda Hai Ke Badmazhab Qaum Ke Sath Kisi Tarah Bhi Mushaabahat Naho, Unse Mushabahat Ke Tamam Tareeqe Tark Karne Chahiye.
Wajah Zaahir Hai Ke Sunni Bhola Bhala Hai Use Shia Apne Mazhab Me Laane Ki Kai Tadbeeren Bataate Hain.
Ek Yahi Hai Ke 12 Imamo Ke Liye Duaaiya Jumla “Alaihis Salam” Tajweez Kar Rakha Hai.
Jo Kisi Dosre Ummati Ke Liye Istemal Nahi Hota Hai.
Balke Keh Nahi Sakta Abu Bakar Alaihis Salam, Umar Alaihis Salam, Usman Alaihis Salam, Balke In Hazrat Ke Sath Razi-Allahu Ta’ala Anh Ka Iste’mal Hota Hai.
Awaamun Naas Ye Sab Kuch Dekhte Hain Aur Agar Wo Khud Is Taraf Mutawajjeh Nahi Hote To Jamaa’t E Mujtahideen Unko Mutawajjeh Karti Hai.
Aur Unko Ye Dikhati Aur Samjhati Hai Ke Ye Du’aaiya Jumla Jo Hazrat E Ambiya E Kiram Alaihimus Salam Ke Mubarak Naamo Ke Sath Bhi Bola Jata Hai.
Hamare Aimma Ke Naamo Ke Sath Bhi Bola Jata Hai.
Isi Se Zaahir O Baahir Hai Ke Ye 12 Afraad Zumra E Ambiya Me Shamil Hain Aur Unki Imamat Ma’mooli Imamat Nahi.
Balke Hazrat E Ambiya E Maa Sabaq Ki Imamat Hai.
Faayeda:
Agar Baaz Ulama Ki Tahqeeq Baraaye Gair Ambiya Alaihissalato Wassalam Ya Alaihissalam Kehne Ko Jaayez Qarar Dete Hain Aur Unke Qaul Par Koi Amal Karta Hai To Wo Pehle Un Do Hazrat (Hazrat Abu Bakr, Hazrat Umar) Ke Sath Iska Istemal Kare.
Jo Ahl E Sunnat O Jamaat Ke Nazdeek Shia Ke 12 Imamo Se Ba Ittefaq Afzal Hain Aur Wo Hazrat Abu Bakr Aur Hazrat Umar رضی اللّٰــه تعالیٰ عنــــــــہما Hain.
Mujawwizeen Ne Agar Jawaaz Ka Bayan Kiya Hai To Tamam Sahaba Ulama O Sulaha Ke Liye Kiya Hai.
Sirf Ahl E Bait E At’haar Ke 12 Afraad Ke Liye Nahi Kiya Hai.
In Halaat Ko Dekhte Hue Hazraat E Ahl E Bait E At’haar رضی اللّٰــه تعالیٰ عنــــــــہم Ke Zikr Ke Waqt Lafz E Alaihis Salam Ki Dua Karne Ko Tark Kiya Jaaye.
Taake Shia Awaam E Ahl E Sunnat Ko Gumraah Na Kar Sakein.
Wa-Allahu Ta’ala A’lam.
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy