- Advertisement -

Kya Shafai Maslak Ke Piche Hanfi Maslak Ki Namaz Mukammal Hoti Hai?

ANSWER
Aala Hazrat Azeemul Barakat Saiyyiduna Iamam Ahmad Raza Fazil E Barailvi رضي الله تعالي عنه Se Sawal Hua Keh Hanfi Shaf’ee Ke Peechhe Namaz Padhe To Jaayez Hai Keh Nahin Aur Agar Shaf’ee Namaz Padha Raha Hai Aur Hanfi Aaya To Jama’at Mein Shareek Ho Ya Nahin Jawab Mein Irshad Farmate Hain:
Agar Shaf’ee Taharat O Namaz Mein Faraiz O Arkaan E Mazhab E Hanfi Ki Ri’aayat Karta Hai.
Uske Peechhe Namaz Bila Karahat Jaayez Hai.
Agarche Hanfi Ke Peechhe Afzal Hai Aur Agar Haal E Ri’aayat O Adam E Ri’aayat Ma’loom Naho To Qadr E Karahat Ke Saath Jaayez Aur Agar Aadat E Adam E Ri‘aayat Ma’loom Hoto Karahat Shadeed Hai Aur Agar Ma’loom Ho Keh Khas Is Namaz Mein Ri’aayat Na Ki To Hanfi Ko Uski Iqteda Jaayez Nahin.
Uske Peechhe Namaz Na Hogi Soorat E Awwal O Dom (Ya’ni Pahli Aur Dosri Soorat) Mein Shareek Ho Jaaye Aur Soorat E Som (Ya’ni Tisri Soorat) Mein Sharik Naho Aur Chaharum (Ya’ni Chauthi Soorat) Mein To Namaz Hi Batil Hai.
(Fatawa Razwiya Jild 3 Safah 228)
Lihaza Agar Zaid Ko Ma’loom Hai Keh Shaf’ee Imam Mazhab E Hanfi Ke Sharaait O Faraaiz Ki Ri’aayat Taharat O Namaz Mein Karta Hai.
To Uske Peechhe Namaz Padhe Aur Agar Kuchh Na Ma’loom Hoto Bhi Iqteda Karle Aur Agar Ma’loom Ho Keh Ri’aayat Nahin Karta Hai.
To Iqteda Na Kare Aur Agar Iqtida Karli Hai To Phir Se Padhe Aur Agar Yaqeen Hai Keh Ri’aayat Nahin Kiya Maslan Dekh Liya Hai Keh Mazhab E Hanfi Me Jo Chizein Farz Hain Un Mein Se Koi Farz Ada Nahin Kiya Maslan Chuthai Sar Ka Masah Nahin Kiya Sirf Kuchh Baal Bhiga Liya To Aisi Soorat Me Uske Peechhe Hanfi Ki Namaz Nahin Hoi Aisi Namazon Ko Phir Se Padhna Zaid Par Farz Hai.
Hanfi Ko Hanfi Imam Ki Iqtida Karni Chahiye Ke Ye Afzal Hai.
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri
Khadim Dar Al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy