- Advertisement -

Firoza, Aqeeq Aur Dusre Sab Patthar Hame Kisi Bhi Tarah Ka Faida Ya Nuksan Pahucha Sakte Hai?

ANSWER
Angoothi Me Asr Allah Ta’ala Ne Rakha Hai.
Us Me Ata E Ilahi Ke Bagair Koi Asr Nahi.
Jis Tarah Dawa Me Marz Se Shifa Ka Asar Hai.
Ye Asar Allah Ta’ala Ne Hi Us Me Rakha Hai.
To Jis Tarah Dawa Se Fayida Hasil Karna Jaayez Hai.
Usi Tarah Patthar Se Bhi Faaida Haasil Karna Jaayez Ke Patthar Me Bhi Allah Ta’ala Ne Hi Faaida O Nuqsaan Ka Asar Rakha Hai.
To Is Aqeede Ke Sath Patthar Ka Istemal Bataur E Nag Karne Me Kuch Harj Nahi.
Haan Agar Mu’assir E Haqeeqi Patthar Hi Ko Koi Samjhe.
Ya’ni Allah Ta’ala Ne Patthar Me Asar Nahi Rakha.
Balke Patthar Me Khud Bakhud Faaida O Nuqsaan Ka Asar Hai To Ye Zaroor Kufr Hai.
Magar Kisi Musalman Ka Aisa Aqeeda Hargiz Nahi Ye Wahabi Devbandi Gair Muqallid Wagaira Ka Zabardasti Ilzaam Hai Ke Sunni Masalman Patthar Me Nafa O Nuqsan Be Ata E Ilahi Maante Hai.
Ata E Ilahi Ke Baad Bhi Patthar Me Asar Manna Shirk Hai.
To Wahabi Devbandi Wagaira Dawa Me Marz Se Shifa Ka Asar Maante Hain.
To Wo Bhi Kaafir Huye Aur Agar Ata E Ilaahi Maanne Ke Ba’ad Dawa Me Marz Se Shifa Ka Asar Maanna Un Ke Nazdeek Kufr Nahi.
To Ata E Ilaahi Ke Saath Patthar Me Nafa O Nuqsaan Manne Me Kyu Kar Kufr Hoga.
Wahabi Devbandi Gair Muqallid Wagairah Ko Hum Sunniyo Ke Aksar Amaal Me Shirk O Kufr Ki Qabaahat Maloom Hoti Hai Aur Wahi Amal Wo Khud Karein To Kufr Nahi Balke Apne Aap Ko Dunya Ka Bada Muwahhid Kahte Hain
Allah Ta’ala Unke Sharr Se Mahfooz Rakhe. AMEEN
Lehaza Agar Use Muassir E Haqeeqi Na Maane Balke Ye Aqeeda Ho Ke Is Me Jo Kuch Bhi Asar Hai Wo Allah Ta’ala Ke Diye Se Hai.
To Is Me Kuch Harj Nahi Aur Agar Muassir E Haqeeqi Patthar Hi Ko Maan Le Ma’azAllah To Ye Kufr Hai.
Wa-Allahu Ta’ala A’lam
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy