- Advertisement -

Hazrat taweez pehenna Kaisa Hai ? Aur agar pehen sakte hai to kya kya shartein hai.

Yani ke namaz ke dauran pehen sakhte hai? Ya bathroom me ? Wagera Wagera.
Aur kya kya parhez karna chahiye?
Hazrat rehnumayi farmain
JAWAB :
Pahan sakte hai.
Hadith se sabit hai.
Hazrat e ayesha razia Allahu anha se marwi hai ke ek bache ko aaqa e kareem ki bargah laya gaya wo bahot ro raha tha.
Aap ne irshad farmaya ise nazr e bad lagi hai iske liye taweez banwaya jaye.
Haan khuli hui taweez jaise aaj kal angoothi pe ism e baari ta’ala ka ya ism e mohammad ka naqsh banwate hai, isi tarah khuli hui taweez ka pahanna Jayez nahi.
Aisi taweez ko jo kapdon me lapeti ho use har jagah har waqt pahan sakte hai.
Kuch log taweez ko dhage ki jagah lohe ya sone ki chain ka istemal karte hai.
Aisi chain ka istemal mard ke liye na jayez hai aur halat e namaz me namaz makrooh e tahreemi hogi.
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy