- Advertisement -

Mira Datar ka chilla Mein Fatiha Padhne Log Jate Hai Aur Baki Dusre Masle Bhi Le Ke Jate Hai.

Jabki Waha Unjha Sharif Ki Eit Layi Hui Hai to Kya Ye Galat Hai?
Jawab:
Urf-E-Aam me kisi buzurg ka chilla us jagah ko kehte hain jahan us buzurg ne taweel Muddat tak ibadat o riyazat ki ho, us jaga Ma’rifat ki bahot si manzilein taye ki hon to yaadgar ke taur par us jagah ko makhsus kar dete hain.
Aur chunke wahan Allah ke ek wali ne ek zamane tak zikr o fikr kiya hai jiski waja se wo maqaam baais e khair o barkat hota hai.
Wahan log husool e faiz ke liye hazir hote hain.
Jaise pakistan ke shaher lahore shareef me Hazrat data ganj bakhsh hijweri Alaihir rahmah war Rizwan ke Mazar e pak ke qareeb Hazrat Khwaja e khwajgaan Khwaja Gareeb nawaz Moinuddin Hasan Chishti sanjari Alaihir Rahmah war Rizwan ne ek zamana tak ibadat o riyazat ki, saheb e Mazar se fuyooz o Barakaat hasil kiye to wo jaga khas kardi gayi hai aur aaj bhi log us makan se mustafeez hote hain.
Lehaza jis maqaam ke baare me waaqai ye sabit ho ke yahan Allah ke kisi wali ne ibadat o riyazat ki hai to us jagah ka ehteram us buzurg se nisbat hone ki waja se kiya jana mustahsan hai.
Aur yu hi kisi jagah ko bila suboot e sharai kisi buzurg ka chilla mash’hoor kar diya jaaye to uski koi haisiat nahi.
Balke wo deegar jagaho ki tarah se Aam jagah hai.
Wa-Allahu Ta’ala A’lam
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy