- Advertisement -

Ye Baat Meri Yaad Rakhlena Aur Agar Koi Inkar Kare To Aye Ali Aur Hussain Ke Muhibban

Unlogo Ko Meri Taraf Bhejdena Aur Kehna Hawala (Reference) Unse Lelo!
Zimmedari Aapki Nahi Zimmedari Meri Hai Aur Meri Zimmedari Par Garaj Ke Duniya Ko Batate Firo!
Kya?
Ye Sunne Waali Baat Hai, Ummul Momineen Hazrat Aaisha Siddiqa RadiAllahu Ta’ala Anha Ghar Baithi Hain.
Walid-E-Girami Sayyeduna Abu Bakr Siddiq RadiAllahu Ta’ala Anhu Paas Baithe Hain.
Ummul Momineen Hazrat Aaisha Siddiqa RadiAllahu Anha Puchti Hain: “Ya Abat! Inni Ara? Yu Kassiru Kann Nazra Ila Wajhe Aliyyun?”
Abbajaan! Mai Hamesha Dekhti Hun, Jab Kabhi Aap Majlis Me Ikatthe Baithe Hon, To Aap Tik Taki Baandh Kar Hazrat Ali Ka Chehra He Takte Rehte Hain Iski Wajah Kya Hai?
Ye Baat Gharke Andar Horahi Hai, Aur Khud Bahar Saare Jahan Ko Bata Diya!
Sayyeduna Siddiq-E-Akbar RadiAllahu Anhu Jawab Dete Hain: Beta, “Wallazi Nafsi Beyadihi”, Us Rab Ki Kasam Jiske Kabza-E-Qudrat Me Meri Jaan Hai.
“Samne Tu RasoolAllahi SallAllahu Alaihi Wa Aalihi Wa Sallam Ya Qool,
“AN NAZRU ILA WAJHE ALIYYUN IBADATUN”
Farmaya Beti Aaisha Maine Rasool-E-Pak SallAllahu Alaihi Wa Aalihi Wa Aalihi Wa Sallam Ki Zuban-E-Pak Se Suna, Aapne Farmaya:
“ALI KE CHEHRE KO TAKNA BHI IBADAT HAI.”
Agar Kisiko Door Se Dekhne Ka Mauka Mile Aur Maula Ali Sher-E-Khuda Doorse Kahi Jaarahe Hon Aur Unke Chehre Pe Nazar Na Pad Sake, To Uska Kya Hoga, Usko Ye Sa’aadat Milegi Ya Nahi Milegi?
Allah Ki Izzat Ki Qasam! Hazrat Aaisha Siddiqa Ki Dusri Riwayat Hai. Hadees Ki Dusri Kitab Me Farmati Hain: Haan Jo Ali Sher-E-Khuda Ka Chehra-E-Pak Na Dekh Sake, Usko Bhi Sunlo, Farmaya Huzoor Ne Ye Bhi Farmaya:
“AN NAZRU ILA ALIYYUN IBADATUN”
Chehra To Na Tak Sake, Jidhar Ali Jaarahe Hon, Bus Unko Jaate Hue Taklena (Dekhlena) Bhi Ibadat Hai!!
Jisne Chehra Dekhliya Ibadat Karli, Jisne Ali Ki Pusht Dekhli Ibadat Karli!
Ab Aapke Liye Puchraha Hun, Ek Teesra Sawal Kiya Maine Ummul Momineen Se Ke Wo To Sharaf Unlogo Ko Tha Jo Us Zamane Me The.
Aur Hum Jo Aaj Hain Na Zahiran Chehra-E-Pak Tak Sakte Hain Na Pusht Mubarak Dekh Sakte Hain.
Zahiran Nahi Dekhsakte. To Hum Bhi To Baithe Hain Hame Bhi Koi Milega Ke Nahi Us Bargah Se Khayrat?
Hazrat Aaisha Siddiqa Ki Teesri Riwayat Hai, Teesre Muqaam Par Farmati Hain: Haan Tumhe Bhi Ajr Milega! Kyunki Huzoor Ne Ye Bhi Farmaya:
“ZIKRU ALIYYUN IBADATUN”*
Khuda Ki Qasam Jo Ali Ko Dekh Na Sake Sirf ALI KA ZIKR Karle Ye Bhi Ibadat Hai!
Ali Ka Zikr Karna Ibadat Hai, Arey Muhibban-E-Ali, Ali Ka Zikr Karna Ibadat Hai, Isliye Aao Thodi Der Milkar Ibadat Kare Khuda Ki, Kaho ALI ALI.”
(SallAllahu Alaihi Wa Ala Aalihi Wa Sahbihi Wa Baarak Wa Sallam, KarramAllahu Wajhahul Kareem,
Ridwanullahi Ta’ala Alaihim Ajmaeen)
Shaykh-Ul-Islam Dr. Tahir-Ul-Qadri
Beshak Hazrate Ali Karmullah Wajhul Kareem Hi Azeem Shakhsiyat Hi.
Mufti Sahab Riwayat Ek Baar Padhkar Rehnumai Karde?
Kye Dr TAHIRUL QADRI K Refrence Say Hi.
ANSWER
Jo Puri Riwayat Bayan Ki Gayi Wo Mere Ilm Me To Nahi Haan Al Mustadrak Ki Riwayat Me Ye Zikr Hai Ke “Ali Ko Dekhna Ibadat Hai” Yahan Ibadat Sawaab Ke Ma’na Me Hai.
Magar Is Se Ye Jumla Kehna Ke Aao Ibadat Karein Khuda Ki Kaho Ali Ali, Bahot Sakht Jumla Maloom Hota Hai.
Aur Khusoosan Tahirul Kadri Jis Par Hamare Ulama Ne Kufr Ka Fatwa Saadir Kiya Hai.
Us Ki Baato Tareero Bayanaat Ko Sunne Parhne Se Parhez Karein Aur Apne Iman Ki Hifazat Karein.
○●●●●●●●●●●●●○
Khalifa E Huzoor Tajushshariah
Mufti Maqsood Akhtar Qadri
Khadim Dar Al-Ifta Ridawi Amjadi
○●●●●●●●●●●●●○

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy