- Advertisement -

Masjid E Nabvi Me Huzoor ﷺ Ke Roze Ki Jaliyo Ke Samne Kaisa Khada Hona Chahiye?

Jawab:
Jaise Namaz Me Khada Hota Hai Waise Khada Ho.
Kamaale Adab Wa Haibat Wa Khauf Wa Ummid Ke Saath Kandile Aqdas Ke Neeche Us Chaandi Ki Keel Ke Saamne Jo Hujra E Mutahrah Ki Dakheeni Deewar Me Chara E Anwar Ke Mukabil (Samne) Lagi Hai Kam Se Kam Chaar, Haath Ke Faasile Se Kibla Ko Peeth Aur Mazar E Anwar Ko Muh Kar Ke Namaz Ki Tarah Haath Bandhe Khade Ho.
Lubaab Wa Sharahe Lubaab Wa Ikhtiyaar Sharah Mukhtar Wa Fatawa Aalamgeeri Wagairah Mo’Atabar Kitabo Me Is Adab Ke Baare Me Saaf Saaf Likha Hai Ki
Huzoor ﷺ Ke Saamne Aisa Khada Ho Jaise Namaz Me Khada Hai.
Yah Ibarat Aalmgeeri Wa Ikhtiyaar Ki Hai Aur Lubaab Me Farmaya
Dastbasta Dahna Haath Baayein Par Rakh Kar Khada Ho.
Khabardar Jaali Sharif Ko Bosa Dene Ya Haath Lagane Se Bache Ki Adab Ke Khilaf Hai.
Balki Chaar Haath Faasile Se Jyaada Karib Na Jao.
Yah Un Ki Rahmat Kya Kam Hai Ki Tum Ko Apne Huzoor Bulaya.
Apne Muwaajah-E-Aqdas Yaani Mazaar Sharif Ke Bilkul Saamne Jagah Bakshi.
Un Ki Rahmat Aur Nigaahe Karim Agarche Har Jagah Tumhari Taraf Thi.
Ab Khususiyat Aur Is Darja Kurb (Nazdiki) Ke Saath Hai?
Walillahil Hamd
Bahare Shari’at Hissa 06 Safa 139
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy