- Advertisement -

Biddat Kya Hai?

Istilahe Shara (Islami Boli) Mein Biddat Aisi Cheez Ke Ijaad Karne Ko Kehte Hai.
Jo Huzoor Sallallahu Alaihi Wasallam Ke Zahiri Zamane Mein Na Ho, Khwah Woh Cheez Deeni Ho, Yaa Duniyawi.
Ashi’atul Lamaat Jild Awwal Safa 125
Biddat Ki 3 Qisme Hai.
(1) Biddat E Hasna
(2) Biddat E SayyeAa
(3) Biddat E Mubaah
Biddat E Hasna – Wah bidat hai jo Quran Wa hadees ke wasul wa Qawaaid ke Mutabik ho Aur Unhi par Qiyas kiya gaya ho.
Uski 2 Qisme Hai.
Awwal Biddat E Waajiba – Jaise Quran wa hadees Samajhne ke liye Ilm e nahw ka seekhna Aur Gumraah phirke maslan khaarji, Raafji, Qadyaani Aur wahabi Wagairah par Radd ke liye Dalaayi Kaayam Karna.
Dosra Biddat e Mustahabba – Jaise Madarso ki taamir Aur har wah nek kaam jiska Rawaaj ibtidaa-e-zamaana me nahi tha.
Jaise Azaan ke baad Salaat Pukarna. Durre Mukhtar Baabul Azaan me hai ki Azaan ke baad Assalatu Wa Sallamu Alaik Ya Rasoolullah ﷺ Pukarna Maahe Rabi-Ul-Aakhir San 781 Hijri me jaari huwa Aur Yah biddat e Hasna Hai.
Biddat e sayyeAa – Wa biddat hai Jo Quran wa Hadees ke Usul wa Qawaid ke Mukhtalif ho.
Biddat e SayyeAa ke 2 Qisme Hai
Awwal Bidat e Muharram – Jaise Hindustan ki Mukhajja Taajiyadari.(Fatawa-E-Aziziya Risala Taajiyadaari Aala Hazrat) Aur Jaise Ahle Sunnat wal jama’At ke khikaaf Naye Aqeede waalo ke Mjaahib.
AshiAtullm Aat jild Awwal Safa 125
Dosra Biddat e Makrooha – Jaise Jumma wa Eidain ka Khutba Gaire Arbi me Padna.
Biddat e Mubaah – Jo Cheez Huzoor ﷺ ke jaahiri zamana me naho Aur jiske karne na karne par Sawab Wa Azab naho use biddat e Mubaah Kahte Hai.
Jaise khaane peene me Kushaadgi Ikhtiyar karna Aur Rail gaadi wagairah me Safar karna.
Anwaare Shari’At Safa 21, 22
○●●●●●●●●●●●●○
Khalifa e Huzoor Tajushshariah
Mufti Maqsood Akhtar Qadri
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy