- Advertisement -

Taboot E Sakina Kya Hai Aur Uski Haqeeqat Kya Hai

Yeh Shamshad (Ek Lamba Khubsurat Darkhat) Ki Lakdi Ka Sanduq Tha. Jo Hazrat Adam Allaihissallam Par Nazil Huwa Tha.
Yeh Apki Akhri Zindagi Tak Apke Pass Hi Raha.
Phir Bataur E Mairas Ke Yake Baad Digar E Apki Aaulad Ko Milta Raha. Yaha Tak Yeh Hazrat Yaqub Allaihissallam Ko Mila.
Aapke Baad Aapki Aaulad Bani Israel Ke Qabze Me Raha Aur Hazrat Musa Allaihissallam Ko Mil Gaya. To Aap Usme Taurait Sharif Aur Apna Khaas Khaas Samaan Rakhne Lage.
Yeh Bada Hi Muqdas Aur Ba Barkat Sanduq Tha. Bani Israel Jab Kuffar Se Jihaad Karte The Aur Bani Israel Jab Kuffar Ke Lashkaro Ki Kashrat Aur Unki Shaukat Dekh Kar Saham Jate Aur Unke Sino Me Dil Dhadkane Lagte.
To Wo Is Sanduq Ko Apne Aage Rakh Lete The. To Us Sanduq Se Aisi Rehmato Aur Barkato Ka Zahoor Hota Ke Mujahideen Ke Dilo Me Sukun Wa Itminaan Ka Samaan Paida Ho Jata Tha.
Aur Mujahideen Ke Sino Me Larzate Hue Dil Pathhar Ki Chatano Se Zyada Mazbut Ho Jate The.
Aur Jis Qadr Sanduq Aage Badta Tha Asmaan Se نَصْرٌ مِّنَ اللہِ وَفَتْحٌ قَرِیْبٌ Ki Basharat E Uzma Nazil Huwa Karti Aur Fatah Mubin Hasil Ho Jaya Karti Thi.
Aur Jab Bani Israel Me Koi Ikhtlaaf Paida Hota Tha.
To Log Usi Sanduq Se Faisala Karate The Aur Us Sanduq Se Faisla Ki Awaz Aur Fatah Ki Basharat Suni Jati Thi.
Bani Israel Us Sanduq Ko Apne Aage Rakh Kar Aur Usko Wasila Bana Kar Duayein Mangte The.
To Unki Dua E Maqbul Hoti Thi Aur Balao Musibatein Aur Aafatein Tal Jaya Karti Thi.
Al Garaz Yeh Sanduq Bani Israel Ke Liye Taboot E Sakina Aur Barkat Wa Rehmat Ka Khazana Tha Aur Nusrat Khudawandi Ke Nuzul Ka Nihayat Muqdas Aur Behtarin Zariyah Tha.
Magar Jab Bani Israel Tarah Tarah Ke Gunaho Me Malus Ho Gaye. Yeh Aur Logo Me Muaasi Wa Tagyaan Aur Sarkashi Wa Asiyaan Ka Daur Daura Ho Gaya.
To Unki Bad’Amaliyon Ki Nahusat Se Unpar Khuda Ka Yeh Gazab Nazil Ho Gaya Ke Qaum Amalqa Ke Kuffar Ne Ek Lashkar Jaraar Ke Saat Un Logo Par Hamla Kar Diya Aur Un Kafiro Ne Bani Israel Ka Qatal Kaam Kar Ke Unki Basiton Wa Taraaj Kar Dala.
Imarato Ko Tod Phord Kar Saare Shehar Ko Tahas Nahas Kar Dala.
Us Mubarak Sanduq Ko Bhi Uthha Kar Le Gaye Aur Muqdas Tabruk Ko Najasato Ke Kude Khana Me Phenk Diya.
Lekin Us Be Adabi Ka Qaum E Amalqa Par Yeh Wabaal Pada Ke Log Tarah Tarah Ki Bimariyon Aur Balao Ke Hujoom Me Jinjod Diye Gaye.
Chunache Qaum Amalqa Ke 5 Shehar Bilkul Barbad Aur Wiraan Ho Gaye.
Yaha Tak Ke Un Kafiro Ko Yaqin Ho Gaya Ke Yeh Sanduq Ki Beadbi Ka Ajaab Hum Par Pad Gaya Hai.
To Un Kafiro Ki Aankhein Khul Gayi.
Chunache Un Logo Ne Us Muqdas Sanduq Ko Ek Bailgadi Par Laad Kar Bailo Ko Bani Israel Ki Bastiyon Ki Taraf Haank Diya.
Phir Allah Ta’la Ne Char Farishto Ko Muqrar Farma Diya Jo Us Mubarak Sanduq Ko Bani Israel Ke Nabi Hazrat Shamul Allaihissallam Ki Khidmat Me Laaye.
Is Tarah Phir Bani Israel Ki Khoyi Hui Naimat Dubara Unko Mil Gayi Aur Yeh Sanduq Thik Us Waqt Hazrat Shamul Allaihissallam Ke Pass Pohucha.
Jab Ke Hazrat Shamul Allaihissallam Ne Taalut Ko Badhshah Bana Diya Tha Aur Bani Israel Taalut Ki Badhshahi Taslim Karne Par Tayaar Nahi Thi.
Aur Yahi Shart Thhehari Ke Muqdas Sanduq Aa Jaye, To Hum Taalut Ki Badhshahi Taslim Kar Lege.
Chunache Sanduq Aa Gaya Aur Bani Israel Taalut Ki Badhshahi Par Razamand Ho Gaye.
Ruh Ul Bayaan Jild 2 Safah 386 Wa Sawi Jild 1 Safah 201
Ajaib Ul Quraan Safah 38
POSTED BY:-
محفلِ غُلاماٰنِ مُصطٰفی ﷺ

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy