- Advertisement -

Safar Ke Dauran Namazein Kaise Ada Kare?

Kya Rukh Ki Koi Pabandi Rahegi?
Niyat Kaise Kare?
Kya Namaz Waqt Ke Pehle Ada Kar Sakte Hai?
Aur Agar Namaz Choot Jaye Safar Ke Dauran To Qaza Kaise Kare?
Rahnumai farmaye.
Jawab :
Safar Ke Dauran Bhi Namazein Usi Tarah Ada Ki Jaayein Jis Tarah Ada ki Jaati Hain.
Agar 92 Kilometer Ya Us Se Zyada Ke Safar Ke Irade Se Shaher se Nikle to Shar’an Musafir Hai.
Is Waqt Shaher Se Nikalte Hi 4 Rekaat Wali Farz Namaz 2 Rekaat Parhna Wajib Hai.
Jise Qasr Kehte Hain.
Safar Ke Dauraan Bhi Qibla Ki Janib Rukh Karna Shart Hai.
Agar Waaqai Aisi Jagah Hai Ke Jahan Koi Bataane Wala Nahi Aur Na kisi Tarah Pata Lagana Mumkin Hai Ke Kis Janib Qibla Hai to Taharri Kare.
Yaani Dil Ko Ek Janib Jamaaye Jis Janib Dil Jam Jaaye Ke is Taraf hi Qibla Hai us Taraf Rukh Kar Ke Namaz Parhe.
Magar Yaad Rahe ke Wahan Koi Bataane Wala Maujood Tha Aur Us Se Na Poocha to Namaz Na Hogi.
Niyat Usi Tarah Ki Jaaye Jis Tarah Ki Jati Hai.
Namaz Ka Uske Waqt Me ada Karna Zaruri Hai.
Agar Waqt se Pehle Namaz Parh Li To farz Ada Na Hoga. Waqt Aane Par us Namaz ko Parhna farz Hoga.
Agar Namaz Qaza Ho Jaaye to Jis Waqt ki Qaza Hui Hai Utni Rekaat Hi Parhna Wajib Hai.
Jaise Zohar ki Namaz Chhut Gayi to Baad Me 2 Rekaat Farz Qaza Kare.
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy