- Advertisement -

Roze Ki Niyat Ke Masail

Roze Ki Niyat Ke Masail

Masla Ada E Roza-e-Ramzan aur nazre mu’aiyyan aur nafl ke roze ke liye Niyat ka waqt Gurube Aaftab se Zuhuwe Kubra (Shuru Zawaal) Tak hai.
Masla Zuhuwe Kubra (Shuru Zawaal) Niyat ka waqt Nahi. Balke isse pehle Niyat ho jaana zaroori hai aur khaas Zuhuwe Kubra (Shuru Zawaal) ke waqt Niyat ki to Roza na hua.
Masla Niyat dil ke irade ka naam hai, Zubaan se kehna sharth Nahin.
Magar zubaan se keh lena mustahab hai.
Masla Agar raat Mein Niyat kare to, yu kahe.
Niyat: “Nawaytu An Asooma Ghadan Lillahi Ta’aala Min Fardi Ramadaan Haadha”
Translation: ‘I have made that I will keep for Allah, the Fard Fast of this Ramadan, tomorrow’
aur din Mein Niyat kare to ye kahe.
Niyat: “Nawaytu An Asoomu Haadhal Yawma Lillahi Ta’aala Min FardiRamadan
Translation: ‘I have made Niyat, that today, for Allah I will keep the Fard Fast of Ramadan’



Masla Raat Mein Niyat ki phir uske baad raat hi Mein khaaya, piya.
To Niyat Nahin gayi, wahi pehli hi Niyat kaafi hai. Phir Niyat karne zaroori Nahin.
Masla Din Mein Niyat Kare.
To Zaroori hai Ke Ye Niyat Kare ke Main Subha Sadiq Se Rozadaar hu Aur Agar Ye Niyat Hai ke Abse Rozadaar Hu Subha Se Nahin To Roza Na Hua.
Masla Din Mein woh Niyat saheeh hai ke subah sadiq se Niyat karte waqt Roza ke khilaaf koi amr na paya gaya ho.
Lihaza agar subah sadiq ke fauran baad Qasdan (Jaan Bujhkar) khaya, piya uske baad roze ki Niyat ki to Roza na hua aur agar subah sadiq ke baad bhool kar kha pi liya ab Niyat ki to Roza ho jayega.
Masla– Roza Todhne ki Niyat se Roza Nahin tutega jab tak todhne waali cheez na kare.
Roza Todhne ka pakka irada kiya.
Magar todha Nahin to Roza Saheeh hai.
Masla Agar raat mein roze ki niyat ki phir pakka irada kar liya ke Nahi rakhega, to woh Niyat jaati rahi.
Agar nayee Niyat na ki aur din bhar bhooka, pyasa raha, to Roza na hua.
Masla Sehri khaana bhi Niyat hai khaah (chaahe) ramzan ke roze ke liye ho, ya kisi aur Roza ke liye.
Masla Sehri khaate waqt ye irada hai ke subah ko Roza na hoga.
To yeh sehri khaana Niyat Nahi.



Masla Ada E Ramzan aur nazrein mo’aiyyan aur Nafl ke alawa baaqi roze maslan qaza-e-ramzan aur nazre gair mo’aiyyan aur Nafl ki Qaza (yaani Nafl Roza rakhkar todh diya tha uski qaza) inn sab mein ain (exactly) subah chamakte waqt ya raat Mein Niyat karna zaroori hai.
Masla Gurube Aaftab Se Zuhuwe Kubra (Shuru Zawaal) tak sirf teen qism ke roze ki Niyat ho sakti hai.

  1. Ada-e-Ramzan.
  2. Nazrein Mo’Aiyyan.
  3. Nafli Roze

Inke Alawa Jitne roze hain maslan– Qaza-e-ramzan wagairah to inki Niyat ka waqt Gurube Aaftab ke baad se Subah Sadiq ke chamakte waqt tak hai.
To agar kisine ramzan ke qaza roze ki Niyat subah sadiq ke baad ki, Roza na hua.
○●●●●●●●●●●●●○
Khalifa e Huzoor Tajushshariah
Mufti Dilshad Ahmed Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy