- Advertisement -

Roza Kin Cheezon Se Nahi Toota Hai?

Masla Bhool kar khaaya Piya HumBistari ki, Roza na toota chaahe wo Roza Nafl ho ya farz.
Masla Kisi Rozdaar ko bhool kar khaate – peete dekhe to yaad dilaana wajib hai, yaad na dilaya to Gunehgaar hua.
Masla Makkhi, ya Dhua, ya Gubaar halaq Mein jaane se Roza Nahin tootta.
MaslaTel, ya surma lagaya to Roza na toota agarche tel ya surma halaq Mein Mehsoos hota ho.
Balke thook Mein surma ka rang bhi dikhayi deta ho jab bhi Nahi toota.
Masla Ghusl Kiya aur paani ki thandak andar Mehsoos huyi, Roza Nahin toota.
Masla Kulli ki aur paani bilkul phek diya sirf kuch tari munh Mein baaki reh gayi thi, thook ke saath Use nigal gaya, Roza Nahi toota.
Masla Kaan Mein paani chala gaya, Roza Nahin toota.
Masla Tinke se kaan khujaya aur Uss (tinke) Par kaan ka mayl lag gaya.
Phir wahi Mayl laga hua tinka Kaan Mein daala agarche chand baar kiya ho, Roza Na toota.
Masla Daanton Se Khoon Nikalkar Halaq Tak Pahuncha.
Magar Halaq Se Niche Na Utra To Roza Na Toota Aur Agar Halaq Se Niche Utra Magar Itna Kam Tha Ke Halaq Mein Mazah Mehsoos Na Hua Jab Bhi Roza na toota.
MaslaThook, Balgum, Naak ki Reet wagairah nigalne se Roza Nahi toota.
MaslaBhoole se Khana kha raha tha yaad aate hi fauran luqma phek diya ya Subha-sadiq se pehle kha raha tha aur subha hote hi Ugal diya, Roza na gaya aur Nigal gaya to dono Surton Mein Roza jata raha.
Masla Ehtlam (Night Fall) hua, ya Geebat ki to Roza na gaya. Agarche Geebat bahut sakht kabeera hai.
Quran-e-Majeed Mein Geebat karne ki Nisbat Farmaya jaise Apne Murda Bhai ka Gosht khaana
(Surah-e-Hujraat Aayat 12)
Aur Hadees Mein Farmaya Geebat Zina se bhi Sakht Tar (Bahut Sakt) hai.
Agarche Geebat ki wajah se Roze ki Nooraniyyat jaati rehti hai.
Masla Janabat (Napaaki) ki halat Mein Subha ki Agar saare din Naapak raha, Roza na gaya magar itni der tak Qasdan Ghusl na karna ke Namaz Qaza ho jaaye Gunah wa Haraam hai.
Hadees Mein hai ke Junub (Napaak) jis Ghar Mein hota hai usme Rehmat ke Farishte Nahin Aate.
Masla Daanton Mein koi Cheez Chane se kam thi aur use Nigal gaya, Roza na toota.
Masla Injection Gosht Mein lagwaya jaaye ya rag Mein, dono Surton Mein Roza na tootega.
Masla Aankhon Mein dawa daalne se Roza Nahi tootta.
Masla Khoon Nikalwane ya chadhwaane se Roza Nahin tootta isi tarah Glucose chadhane se bhi Nahi toota.
Masla Qasdan Qai (Ulti) ki, agar munh bhar na ho, to Roza na tootega.
Masla Be-ikhtiyar Qai (Ulti) ho gayi, to thodi ho, ya Zyaada, Roza na toota.
Masla Khud-bakhud Ulti huyi, phir use Nigal gaya to agar munh bhar na ho, Roza na gaya.
Masla Balgum ki Qai kitni hi ho use Roza Nahin tootega.
Masla Rozdar ke jism par Zakhm hai aur usse peep baha to Roza na gaya.
Masla Roze ki haalat Mein itr lagaya, ya usko soonga, ya phool soonga, ya baal katwaya, ya Naakhun kaata, ya sar ya badan ke kisi aur hisse par baam ya tel ki Maalish ki ya Powder wa Cream wagairah lagaaya to inn sab surton Mein Roza na gaya.
Masla Roze ki Haalat Mein Aankh ka Operation karaya. Ya aur kisi azu (Parts) ka Operation karaya, Roza na gaya.
Masla Aansu ya Paseena munh Mein chala gaya aur use nigal gaya to agar Qatra-2-Qatra hai Roza na toota.
○●●●●●●●●●●●●○
Khalifa e Huzoor Tajushshariah
Mufti Dilshad Ahmed Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy