- Advertisement -

Unn Surton Ka Bayan Jin Mein Sirf Roze ki Qaza Laazim Hai

Masla– Ye Gumaan Tha Ke Subah Nahin Huyi Aur Khaaya ya Piya Ya HumBistari Ki
Baad Ko Maloom Hua Ke Subah Ho Chuki Thi To Sirf Qaza Laazim Hai.
Yaani Iss Roze Ke Badle Mein 1 Roza Rakhna Hoga.
Masla– Bhoolkar Khaaya Piya Ya HumBistari Ki Ya Ehtlaam(Night Fall) Hua Ya Ulti Hui Aur Inn Sab Surton Mein Ye Gumaan Kiya Ke Roza Toot Gaya. Ab Jaan Bujhkar Kha Liya To Sirf Qaza Farz Hai.
Masla– Kaan Mein Tel Tapkaya Ya Naak Se Dawa Chadhayi Ya Subah Ko Niyat Nahin Ki Thi Din Mein Zawaal Se Pehle Niyat Ki Aur Niyat Ke Baad Khaa Liya Inn Sab Surton Mein Sirf Qaza Laazim Hai Roze Ka Kaffara Nahin.
Masla– Guroob Samajhkar Iftaar Kar Liya Haalaki Din Baaki Tha Sirf Qaza Laazim Hai.
Masla– Naabaalig Bachche Ne Roza Rakhkar Todh Diya To Uspar Qaza Nahin.
Masla– Qai (Ulti) Aayi Ya Bhoolkar Khaya Piya Aur Inn Sab Surton Mein Use Maloom Tha Ke Roza Na Gaya.
Phir Kha Liya To Kaffara Laazim Nahin (Qaza Zaroori Hai).
○●●●●●●●●●●●●○
Khalifa e Huzoor Tajushshariah
Mufti Dilshad Ahmed Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy