- Advertisement -

Unn Surto Ka Bayan Jinme Roze ki Qaza Ke Saath Roze Ka Kaffara Bhi Laazim Hai

Masla: Ramzan Mein Roza daar Mukallaf (Jispar Roza Farz ho) Muqim Ne Ke Adaaye Roza-e-Ramzan Ki Niyat Se Roza Rakha Aur Geeza Ya Dawa Khaayi, Ya Paani Piya, Ya Koi Cheez Lazzat Ke Liye Khaayi Ya Pi, Inn Sab Surton Mein Qaza Ke Saath Kaffara Bhi Laazim Hai.
Masla: Jis Jagah Roza Todhne Se Kaffara Laazim Aata Hai. Usme Shart Hai ke Raat Hi Se Roza-e-Ramzan Ki Niyat Ki Ho.
Agar Din Mein Niyat Ki Thi Aur Todh Diya To Kaffara Laazim Nahin.
Masla: Kaffara Wajib Hone Ke Liye Bhar Pait Khaana Zaroori Nahin. Thodasa Khaane se Bhi Wajib Ho Jayega.
Masla: Tel Lagaya, Ya Geebat Ki Phir Ye Guman Kar Liya Ke Roza Toot Gaya. Phir Usne Kha Pi Liya Jab Bhi Kaffara Laazim Hai.
Masla: Jin Surton Mein Roza Todhne Par Kaffara Laazim Nahin, Unme Shart Hai Ke Ek Hi Baar Aisa Hua Ho Aur Gunaah Ka Irada Na Kiya Ho Warna Unme Kaffara Dena Hoga.
Masla: Sehri Ka Niwala munh Mein Tha Ke Subah Tulo’o Ho Gayi Aur Use Nigal Gaya Kaffara Wajib Hai.
Masla: Bhoolkar Kha Raha Tha, Yaad Aa Gaya Aur Nigal Gaya, Kaffara Wajib Hai.
Masla: Ehtlaam (Night Fall) Hua Aur Use Maloom Tha Ke Roza Na Gaya. Phir Kha Liya To Kaffara Laazim Hai.
Masla– Ramzan Ka Roza Qasdan (Jaanbujhkar) Todhne Se Kaffara Laazim Aata Hai.




Kaffara Ka Bayan
Roza Todhne ka Kaffara ye hai ke Ek Raqba (Loundi ya Gulaam) Azaad kare aur ye na ho sake jaise iss Zamane Mein Gulaam milte hi Nahin.
To lagataar (pe dar pe) 60 Roze rakhe, agar ye bhi na kar sake to 60 Miskeeno ko Bhar-Bhar pait Dono waqt Khana Khilaaye aur Roze rakhne ki soorat Mein, Agar Beech Mein Ek Din ka Roza Bhi choot gaya to Ab se 60 Roze Rakhe pehle ki Ginti Nahin.
59 rakh chuka tha aur 60’va na rakh saka, Bimaari wagairah kisi Uzr se to phir se 60 Roze Poore lagaatar rakhe.
Pehle Roze Shumaar na honge
Albatta Aurat ko agar Haiz ki Wajah se jitne Naaga (Gap) hue. Ye Nahin Geene jayenge, yaani pehle ke Roze aur Haiz ke baadwale Roze Dono Milkar 60 ho jaane se Kaffara Adaa ho Jayega.
Kaffara Laazim Hone Ki Shartein
Roza Todhne Se Kaffara Laazim Hone Ki Chand Shartein Hai.
Jab Ye Sab Paayi Jaaengi Tab Kaffara Laazim Hoga Warna Nahin.
1) Ramzan Ke Mahine Mein Ramzan Ka Roza Adaa Karne Ki Niyat Se Roza Rakha Ho
2) Roza daar Muqim Ho Musaafir Nahin
3) Mukallaf (Aaqil-o-Baalig) Ho, To Agar Bachche Ya Pagal Ne Todha To Kaffara Nahin.
4) Raat Hi Se Roza-e-Ramzan Ki Niyat Ki Ho, To Agar Din Mein Roze Ki Niyat Ki Phir Use Todh Diya To Kaffara Nahin.
5) Roza Todhne ke baad koi aise Amr na Waaqei hua ho jo Roze ki Munafi (Khilaaf) Ho.
Jaise Aurat ko Haiz wa Nifas Aa gaya ho, ya Roza Todhne ke baad itna Bimaar ho gaya ho ke use Roza na Rakhne ki Ijaazat ho to Kaffara Laazim na hoga.
○●●●●●●●●●●●●○
Khalifa e Huzoor Tajushshariah
Mufti Dilshad Ahmed Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy