- Advertisement -

Kya Hum English Roman Me Aise Lafz Likh Sakte Hai?

InSha Allah
MaSha Allah
Alhamdulillah
SubhaanAllah
JazakAllah
Assalamu Alaykum
Likh Sakte Hai.
Kisi Mawlana Ka Kehna Hai Ke Iski Ijazat Nahi Hai Aur Iska Urdu Ya English Tarjuma Likha Jaye.
Jawab:
Arabi Ke Ilawa Dosri Zaban Me Jab Arabi Ke Alfaz Likhe Jaate Hain. To Unme Lafz Nahi, Balke Talaffuz (Pronunciation) Ka Etebaar Kiya Jaata Hai.
Jaise Lafz ”سُــــبْحانَ الله ” Me Arabi Likhne Me Huroof Jitne Hain, English Roman Me Wahi Huroof Nahi Likhe Jaate.
Balke Pronunciation Ke Etebaar Se ”Sub’HanAllah” Likha Jaata Hai.
Jab Ye Baat Samajh Me Aa Gayi, To Lafz E إنْ شَــاءَاللّــهُ Me Bhi Koi Shaks Aisa Nahi Jo Koi Dosra Maana Leta Ho.
Har Koi Jis Zaban Me Bhi Likhega Us Ka Maqsood Yahi Hota Hai “Agar Allah Chaahe” Aur Agar Har Zaban Me In Aur Sha Ko Alag Alag Likha Jaaye. To Phir Ye Bhi Eteraaz Hoga Ke Bolne Me Bhi In Aur Sha Ko Alag Alag Bola Jaaye.
Halaanke Har Koi Ek Sath Ek Saans Me InshaAllah Kehta Hai.
Lehaza Ye Dosri Zabaan Me Likha Jaaye To Ijazat Hai.
Jaise Urdu Me Bhi Lafz E In Sha Allah Mila Kar Hi Likhna Ma’roof Hai.
Aise Hi English Me Bhi Koi Zaruri Nahi Ke Alag Alag Likha Jaaye.
Magar Arabi Me Jab Likha Jaaye To 3 Tukdo Me Alag Alag Hi Likha Jaaye.
○●●●●●●●●●●●●○
Khalifa E Huzoor Tajushshariah
Mufti Maqsood Akhtar Qadri
Khadim Dar Al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy