- Advertisement -

Kya Gulab Ke Phool Ka Istemal Shadi Me Karna Galat Hai?

Mera Puchne Ka Matlab Hai Ki Dulha Dulhan Ke Liye Jab Shadi Ki Raat Me Kamara Sajaya Jata Hai.
To Is Me Farsh Par Ya To Bistar Par Lal Gulab Se Sajaya Jata Hai.
To Kya Koyi Harz Hai Is Baat Me.
ANSWER
Baaz Hadeeso Me Aaya Hai Ke Huzoor E Akram ﷺ Ke Paseena E Mubarak Se Gulab Ka Phool Paida Hua.
Aur Ek Jagah Marwi Hai Aap ﷺ Ne Farmaya Gul E Sufaid Mere Paseene Se Shab E Meraj Paida Hua, Gul E Surkh Jibreel Ke Paseene Se Aur Gul E Zard Buraaq Ke Paseene Se.
Neez Marwi Hai Ke Huzoor ﷺ Ne Irshad Farmaya Ke Meraj Se Wapsi Par Mere Paseene Ka Qatra Zameen Par Gira To Us Se Gulaab Paida Hua.
Jo Koi Meri Khusbu Sunghna Chaahe Wo Gulaab Ko Soonghe.
Ek Aur Riwayat Me Hai Ke Jab Mere Paseene Ka Qatra Gira To Zameen Hansi Aur Gulaab Ke Phool Ko Ugaya. (Madaarijun Nabuwwah)
In Hadeeso Ko Muhaddiseen Agarche Apni Istelaaho Ke Ba Mujab Kalaam Karte Hain.
Magar In Riwaayato Me Jo Kuch Aaya Hai Wo Nabi E Mukhtaar ﷺ Ke Darya E Fazl O Karam Ka Ek Qatra Hai.
Jin Ke Sath Allah Ta’ala Ne Apne Habeeb ﷺ Ko Mukarram Farmaya.
Lehaza Phoolo Ka Ehteraam Kiya Jaaye Khusoosan Gulaab Ke Phool Aur Unhe Pairo Ke Neeche Na Aane Diya Jaaye.
Huzoor E Mufti E Aazam رضی اللّٰــه تعالیٰ عنــــــــہ Bhi Kisi Ko Gulaab Ki Be Hurmati Karte Dekhte To Mana Farmaate Aur Ye Sher Parha Karte.
Unhi Ki Boo Maya E Saman Hai
Unhi Ka Jalwa Chaman Chaman Hai
Unhi Se Gulshan Mahek Rahe Hain
Unhi Ki Rangat Gulaab Me Hai.
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy