- Advertisement -

Muharram Me Noha, Matam, Shog Karne Se Mana Farmaya Gaya

Hazrat e Zainab Bint Hajash RadiAllahu Anha Ke Bhai Ka Inteqal Ho Gaya.
Teen Din Ke Baad Unhone Khushboo Mangwai Aur Usko Lagaya.
Phir Kaha Mujhe Khushboo Ki Zaroorat Nahi Thi.
Magar Maine Rasool’Allah Sallallahu Alaihi Wasallam Se Suna Ke Jo Aurat Aur Mard Allah Ta’ala Aur Qayamat Par Imaan Rakhta Ho, Uske Liye Halaal Nahi Ke Teen Din Se Ziyadah Kisi Mayyat Par Shog Kare “Siwaye Shohar Ke Jiska
Sog 4 Mah (Month) 10 Din Hai.
(Bukhari Sharif ‘Al’janaez Baab Al’shiyaab
Al’baid Ul Kafan’ Hadees : 1264 ‘ 1271′ 1272′ 1273′ 1287)
ALLAH Ta’ala Quran e Kareem Me Irshad Farmata Hai
Bismillah-Hirrahman-Nirrahim
“Aur Jo KHUDA Ki Raah Me Maare Jaye Unhe Murda Na Kaho Balke Woh ZINDA Hai, Haan Tumhe Sha’oor (Khabar) Nahi”.
(Surah: Al Bakrah Aayat 154, Kanzul Imaan)
Ye Aayat Saf Bayan Kar Rahi Hai Ke Shaheed Jo Khuda Ki Rah Me Mare Jaye Wo Zinda Hai.
Isliye Shaheedo Ka Matam Karna Haraam Hai.
Agar Ashura Ke Din Matam Karna Jayez Hota.



Toh Sahaba-e-Kiram Aur Tabayin-e-Kiram Bhi Aisa Karte.
Lekin Unhone Matam Nahi Kiya.
Balke Ashura Ke Din Unhone Apne Ghar Walon Par Khaane Pine Me Farakhi Karte Aur Roza Rakhte.
(Guniyatuttalibin Part-16 Safa 482)
Abdullah Bin Abbas Raziallahu Anhu Se Riwayat Hai Ke,
RasoolAllah Sallallahu Alaihi Wasallam Ne Farmaya:
“Jo Mooh Par Tamache Maare, Kapde Fade, Aur Jaahil Logo Ki Tarah Chilla Kar Roye Wo Hum Me Se Nahi”.
(Bukhari Sharif, Muslim Sharif, Tohfa-E-Najat Part-11 Page-50)
RasoolAllah Sallallahu Alaihi Wasallam Ne Farmaya:
“Kisi imaan Wale Ke Liye Halaal Nahi Ke (3) Teen Din Se Jiyadah Shok (Ghum) Kare, Sirf Bewa Aurat Ke Siwa, Ke Uske Shok (Ghum) Ki Muddat Char (4) Mahine Das (10) Din Hai.”
(Bukhari Sharif, Tirmizi Sharif, Tohfa-E-Najat Part-11 Page-49)
Hazrat Rizwaan Rahamatullahi Alahi Ne Bhi Mahe Muharram Me Kiye Jaane Wale Bure Kaamo Ki Sakht Muzammat Farmayi Hai, Aap Tahereer Karte Hai:
‘Tajiya Mamnu’ Hai, Sharah Me Kuch Asal Nahi Aur Jo Kuch Biddat UnKe Saath Ki Jaati Hai, Sakht Najayez Hai, Tajiya Par Jo Mithaai Chadhayi Jaati Hai.
Agarche Haraam Nahi Ho Jaati, Magar Iss Ke Khaane Me Jahilon Ki Nazar Me Ek Amar Najayez Ki Waqa’at Badhaane Aur Iske Tarak Me Isse Nafartt Dilaani Hai. Lehaza Na Khaai Jaaye, Dhol Bajaana Haraam Hai.”
(Fatwa-E-Razviya, Jild 10, Safa 189)
Nabi-e-Kareem Sallallahu Alaihi Wasallam Ne Farmaya:
“Allah Ta’ala Aankh Ke Rone Rone Aur Dil Ke Pareshan Hone Ki Wajah Se Azaab Nahi Hota. Balki Zuban Ke Chillane Aur Wa’waila Karne Se Azaab Hota Hai”.
(Bukhari’ Al’janez’ Baab Al’baka’a Indal Mareeda’ Hadees 1304′ Wa Muslim’
Al’janaez’ Baab Al’baka’a Alal May’yati’ Hadees 924)
Hazrat e Abdullah Bin Masood RaziAllah Anhu Riwayat Karte Hain Ke RasoolAllah Sallallaho Alaihi Wasallam Ne Farmaya:
“Woh Hum Me Se Nahi Hai Jo Rukhsaar Peete, Girebaan Phadhe Aur Jahiliyat Ki Pukaar Pukare”.
(Yaani Noha Aur Wa’wailaKare).
(Bukhari’ Al’janaez ‘ Baab Lais Mana’min Shqaul’joyub’ Hadees :1294,1297,1298)
Hazrate Abu Malik Ashari RaziAllahu Anhu Se Riwayat Hai Ki RasoolAllah Sallallaho Alaihi Wasallam Ne Farmaya:
“Noha (Matam) Karna Jahiliyat Ka Kaam Hai, Aur Noha Karne Waali Agar Bina Taubah Ke Mar Jaye, Toh Allah Ta’ala Usko Tarkol Ka Libas Aur Dozakh Ke Sholo Ka Kurta Pahnayega”.
(Sunan Ibn Majah, Vol 1, Hadees 1581 Hasan)



Umma Atiyyah RaziAllah Anhu Se Riwayat Hai Ki, RasoolAllah Sallallahu Alaihi Wasallam Ne Hume Noha (Matam) Karne Se Mana Farmaya Hai”.
(Sunan Abu Dawud, Vol 2, Hadees 1350 Sahih)
Imam e Ahle Sunnat aur Radd e Biddat
(1) Moharram me Tajiya-daari wa Seena kubi Haraam hai.
(Fatawa Razwiya, Jild 24, Safa 141)
(2) Tajiya, Alam, Sawaari, Mehandi jaise tareeqe (rasm) jaari karna Biddat hai aur isse Islam ki shaan badhti nahi hai.
(3) Kuchh utaara, Baaqi toda aur dafan kar diya, Ye har saal maal ko barbaad karne ka Gunah hai.
Tajiya-daari is Galat tareeqe ka naam hai, Jo Biddat aur Bilkul Najayez wa Haraam hai.
(Taaziyadaari, Safa 4)
(4) Tajiya ko Haajat ko pura karne wala manana Jahaalat hai, Iski Mannat bewakoofi hai aur na karne me Nuqsaan janna wahem hai.
Musalman ko aisi harkat se bachna chahiye.
(Risala, Moharram wa Tajiya-daari, Safa 59)
(5) Tajiya banana aur us par Nazar wa Niyaz karna, Zarooratein puri hone ki ummeed me Mannate latkana.
Ye saare kaam jis tarah logo me aaj ke zamane me mashhoor hain, Biddat aur Haraam wa Najayez hain
(Irfaan-e-Shariat, Safa 15-16)
(6) Kisi ne agar Tajiye par Mannat maani to ye Nazar baatil aur najaayez hai
(Fatawa Razawiya, 24/501)
(7) Tajiye par chadha khana, nahi khana chahiye, Agar Niyaz dekar chadhayein, Ya chadhakar Niyaz den to bhi uske khaane se parhez karein.
(Tajiya-daari, Safa 11)



(8) Tajiya dekhna bhi jaayez nahi
(Fatawa Razwiya, Jild 24, Safa 143)
(9) Tajiya aata dekh kar nazrejn pher len, Uski taraf dekhna hi nahi chahiye
(Irfaan-e-Shariat, Jild 1, Safa 15)
(10) Najayez baat ka tamasha dekhna bhi Najayez hai, Jis tarah bandar nachana
(Malfuzaat, Safa -286)
(11) Muharram me Marsiya padhna ya usme shirkat karna najaayez hai, Wo gunaho se bhare hote hain
(Irfaan-e-Shariat, Jild 1, Safa)
(12) Muharram me Siyah ya Sabz kapde gam ki Nishani hai Aur gam Haraam hai
(Ahkaam-e-Shariat, 171)
(13) 1. Kuchh log Muharram ke dino me na to din bhar roti pakaate hai, Na jhaadu dete hain, Kehte hain dafn karne ke baad pakaai jayegi.
2. In 10 dino me kapde nahi badalte.
3. Maah e Muharram me koi Shaadi-biyah nahi karte.
Teeno baatein Gham hain, Aur gham Haraam hai.
(Ahkaam-e-Shariat, Jild 1, Safa 171)



Maah e Muharram me 10 roz tak Milaad ki mehfil karna aur Huzoor E Akram sallallahu alaihi wasallam, Ahle bait, Imam e Husain, Ashaba aur Shohda e Karbala radiAllahu ta’ala anhuma ke fazail bayan karna, isal e sawab ke liye Quran khwani, ya Durood shareef aur Kalma ka khatam karna, ya Niyaz khilaana, Paani aur sharbat pilaana ye sab Biddat e Hasana aur jaayez hai.
Aur Tajiyadari yani Tajiya banana aur pure ilaake me ghumana aur use pani me dafn karna, ya tajiyagaah (imam baada) me rakhna, Tajiya ko sajda karna, ya Rooku’ ki tarah jhukna, ya Tawaf ki tarah uske chakkar lagana, ya use chumnaa, ya tajiya ki tasweer e rakhkar use chumnaa, ya use agarbatti wagairah karna, ye sab Biddat E Mukaffarah (Yani Kufr aur Shirk tak pahunchane wali) hai.)
Aur Isi tarah khoon nikalna, maatam karna, noha karna, kaale kapde pehnna, chokara karna, naachna aur gana-bajana, khel tamaasha karna ye sab bhi Biddat E Mukaffarah hai.
Aur isme aurto ko saamil hona ya dekhne ke liye baahar nikalna bhi behayai aur Gunah hai.
Kaafiro ka koi bhi tareeqa ya rasm sahi maankar apnana bhi KUFR hai.



Isliye mo’mino ko chahiye ke Yaum e Ashura wa Shahadat Ishq e Rasool ke saath sahi tareeqe se manayein aur ALLAH ki raza haasil karein.
Maah e Muharram me Nafl Namaz padhkar aur Tilawat e Quran E Paak karke, Zikr o Durood padhkar aur Roza rakhkar aur Khairaat karke Imam e Hussain aur Shohada e Karbala aur Ahle bait radi-Allahu ta’ala anhuma ko Isal e sawab karein.
Aur Milad ki mehfil me samil hokar in Hazrat ke fazail sunkar unke darse amal par amal karne ki koshish karein aur Sunnat e Rasool ko apnayein.
Aur ALLAH ta’ala se unke waseele se dua karein aur Fayuz o barkat hasil karein.
Aur Tajiyadari aur Tamaam buri bid’ato se hamesha bachein aur dusro ko bhi in se bachne ke liye kahein.
Aur jo waqt aur maal in me zaaya karke fuzul kharchi karte hain, use sahi ilme deen sikhne me Istemal karein.
Taake sahi aqeede ke saath sahi amal kar sakein.
Namaz, Tilawat e Quran, Zikr o Durood padhein aur Roza rakhein.
Apne Waalidain aur buzurgo ki khidmat karein.
Sadat e kiram ki khidmat karein.
Zyada se zyada khairaat karein.
Gareebo aur mohtaajo aur beemaro ko imdad karein.
Talib aane ilm ko imdad karein.



Kuch sunni sahi ilm e deen na hone ki wajah se sahi aqeede par hone ke bawajood sahi amal nahi karte aur khilaf e shariat amal karte hain.
Jisse bad-mazhabo ko ye kehne ka mauqa milta hai ke Sunni gunah karte hain.
Hame unko sahi baat narmi ke saath samajhani hai.
Lekin un nadaan sunniyo ki wajah se koi Imam e Ahle sunnat aur Maslak e Aala Hazrat ko galat nahi keh sakta.
Aur ye bad-mazhab jo Ahle sunnat wal jamat ke khilaaf hain.
Wo bhi sirf aise logo ko dekhte hain jo sunni hone ka dikhawa karte hain, Aur phir Maslak e Aala Hazrat ko galat mante hain.
Asl me wo un sunniyo se mile jo shariat e Islam par sahi amal karte hain aur Aala Hazrat Imam Ahmad Raza Khan rahmatullahi alaihi ki Kitaabein padhein to Unki galat fehmiya door ho jaaye aur Unhe pata chale ke Maslak e Aala Hazrat sahi aur Behtareen hai aur usme koi baat khilaf e shariat nahi.
Agar koi sahi ilm na hone ki wajah se nahi maante ya samjhane to unhe unke haal par chhod den aur zyada bahes na karein.
Qur’an :
2 Surah al-Baqarah, Aayat 7
ALLAH ne unke dilo aur kaano par mohar laga di hai aur unki aankho par parda pad gaya hai aur unke liye sakht azaab hai.
ALLAH ta’ala uske Habeeb sallallahu alaihi wasallam ke sadqe me Sabko hidayat ata farmaye aur Sabke iman ki hifazat farmaye aur Sahi ilm e deen haasil karne ki aur Sahi baat samajhne ki taufiq ata farmaye aur Sahi nek amal karne ki aur Gunaho aur buri bidato se bachne ki aur Yaum e Ashura wa Shahadat sahi tareeqe se manane ki taufiq ata farmaye aur Islam ka bolbala ata farmaye.
Aur in sab baato ko yaad rakhkar amal karne ki aur dusro ko batane ki taufiq ata farmaye.
Aameen.

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy