- Advertisement -

Qurbani ka gosht gair Muslim ko dena kaisa hai quran or hadees se Reference hona chahiye.

Kyuke humara padosi qafir hai to akhlaq kab batayenge hum zaid ka kehna hai.
Zaid ka kehna quran or hadees me hai ke padosi ka haq ada kiya jaye.
Jawab:
Qurbani agar kisi faqeer ne ki ho to uska gosht kisi kafir ko dena jaayez nahi.
Agar dega to utne gosht ka tawaan dena lazim hoga aur agar Gani ne Qurbani ki hai to gosht ka use ikhtiyaar hai.
Magar mustahab ye hai ke uske 3 hisse karle ek hissa apne liye, ek azeezo ke liye aur ek tasadduq ke liye.
Yahan ke kuffar ko dena in teeno mado’n se kharij hai.
Lehaza unhe dena khilaf e mustahab hai aur apne musalman bhai ko chhor kar dena himaaqat hai.
Yahan ke kafiro ko gosht dena jaayez nahi, wo khas musalmano ka haq hai.
Allah Ta’ala Ka irshad hai “tayyib Cheezein taiyyeb logo ke liye aur Taiyyeb log Taiyyeb cheezo ke liye” (26/24)
Phir bhi agar koi apni jihaalat se dega to qurbani me koi harj na karega.
Wa-Allahu Ta’ala A’lam
(Mulakkhasan Fatawa Razvia)
○●●●●●●●●●●●●○
Khalifa-E-Huzoor Tajushshariah
Mufti Maqsood Akhtar Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy