- Advertisement -

Qurbani ke masail

QURBANI KI TA’REEF?
Makhsoos Janwar Ko Makhsoos Din Mein Baniyyat E Taqarrub Zabah Karna Qurbani Hai.
(Bahar E Shari’at)
QURBANI KI QISMEN?
Qurbani Ki Kayi Qismen Hain
Gani Aur Faqeer Dono Par Wajib Hai Is Ki Soorat Ye Hai Keh Qurbani Ki Mannat Maani Ye Kaha Keh Allah Ke Liye Mujh Par Bakri Ya Gaaye Ki Qurbani Karna Hai Ya Is Bakri Ya Gaaye Ki Qurbani Karna Hai.
(Bahar E Shari’at)
Faqeer Par Wajib Ho Gani Par Wajib Na Ho Is Ki Soorat Ye Hai Ke Faqeer Ne Qurbani Ke Liye Janwar Khareeda Us Par Us Jaanwar Ki Qurbani Wajib Hai Aur Agar Gani Khareedta To Is Khareedne Se Qurbani Us Par Wajib Na Hoti.
(Bahar E Shari’at)
Gani Par Wajib Ho Faqeer Par Wajib Na Ho Is Ki Soorat Ye Hai Ke Qurbani Ka Wujoob Na Khareedne Se Ho Na Mannat Maanne Se Balkeh Khuda Ne Jo Use Zindah Rakha Hai Us Ke Shukriya Mein Aur Hazrat Ibraahim عليه السلام Ki Sunnat Ki Ihya Mein Jo Qurbani Wajib Hai Woh Sirf Gani Par Hai.
(Bahar E Shari’at)
MASLAH:-Musafir Pe Qurbani Wajib Nahin Agar Musafir Ne Qurbaani Ki Tataww’u (Nafl) Hai.
(Bahar E Shari’at)
MASLAH :-Aqeer Ne Agar Na Mannat Maani Ho Na Qurbani Ki Niyyat Se Jaanwar Khareeda Ho To Uska Qurbani Karna Bhi Tataww’u (nafl) Hai.
(Bahar E Shari’at)
MASLAH:-Bakri Ka Maalik Tha Aur Uski Qurbani Ki Niyyat Kar Li Ya Khareedne Ke Waqt Qurbani Ki Niyyat Na Thi baa’d mein Niyyat Kar Li To Is Niyyat Se Qurbani Wajib Nahin Hogi.
(Bahar E Shari’at)
BOOK NAME – FAZAAIL O MASAAIL E EIDUL AZHA O QURBAANI.
○●●●●●●●●●●●●○
Khalifa e Huzoor Tajushshariah
Mufti Dilshad Ahmed Qadri Razvi Amjadi
Khadim Dar al-Ifta Ridawi Amjadi
○●●●●●●●●●●●●○

- Advertisement -

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy